Размер:
AAA
Цвет: CCC
Изображения Вкл.Выкл.
Обычная версия сайта
Поиск
368530, РД, Карабудахкентский район, с. Карабудахкент,
ул. Казиева (Советская), 2
8 (87232) 2-23-00
+79886455271
karrayon@e-dag.ru
kar-raion@mail.ru
Telegram канал

  

Проектлер яшавгъа чыгъарыла «Местные инициативы» Къарабудагъгентде

23.01.2023
Проектлер яшавгъа чыгъарыла «Местные инициативы» Къарабудагъгентде

Белгили кюйде, ДР-ни экономика ва территориал оьсюв министерлигини табилигини тюбюнде, ДР-ни Гьукуматыны хас буйругъуна гёре, «Местные инициативы» деген проект яшавгъа чыгъарылагъаны бир нече йыллар бола.
Эсгерилген проектни аслу мурады – район ва юрт администрацияланы проектлерин якъламакъ ва шоланы яшавгъа чыгъармакъ. Шо проектлерде яшавлукъ-коммунал, сув булан таъмин этив, адамлар ял алагъан пачалыкъ бавлар, спорт майданчалар, туризм биналаны къурув ва оьзге шолай ишлени яшавгъа чыгъарыв амалгъа геле.

Эсгерилген проектни аслу шарты – ерли администрацияны бюджетинден акъча булан кёмеклешив ва адамлардан сиптечилик, рагьмулу юреги ва чомарт къолу булан кёмек этив. Демек, адамлар да оьзлени ата юртуну орамларын ва ял алагъан ерлерин безендиривге къолкъоша, оьзлени къолундан гелеген амалны эте.

Артдагъы йылланы ичинде районубузну юртларында оьрде эсгерилген «Местные инициативы» деген проектге гёре хыйлы ишлер этилген ва яшавгъа чыгъарылгъан. Шо ишлер адамланы яшавун ва ял алывун яхшылашдырывгъа болушлукъ этген.

Ачыкълашдырып айтсакъ, 2022-нчи йылны боюнда оьрде эсгерилген проектге гёре, районну ичинде 8 объект къурулду ва янгыртылды. Шоланы арасында сув быргъылар янгыртылды, ёллар ва орамлар онгарылды, ярыкълар учун теллер ва багъаналар тартылды, ял алагъан бавлар ва яшлар учун хас майданчалар къурулду ва безендирилди.

Къарабудагъгент юртгъа, район центргъа, районну ичиндеги юртларда яшайгъан адамлар гьар тюрлю идаралагъа ва къурумлагъа оьзлени къуллукъларын ва тарыкъ ишлерин кютмеге геле. Олар олай къуллукълары учун гелгенде, тюш вакътиде ял алмагъа токътамагъа хас ерлер тарыкълыгъы ачыкъ.

Олай да, ишден къайтгъанда ва ахшам вакътиде юртлулар учун да ял алагъан хас майданчалар ва ерлер болмагъа герек. Шо талапланы кюте туруп, янгы йылны алдындагъы гюнлерде Къарабудагъгент юртну ортасында юртлулагъа ва гелген къонакълагъа ял алмакъ учун бек арив гёзел майданча ачылды.

Шо майданчаны къурмакъ ва проектни яшавгъа чыгъармакъ учун район администрацияны баш архитектору Абдулла Гьажиев гечесин-гюнюн бир этип, яллыкъ билмей чалышып айланды деп айтмагъа тийишли. Озокъда, шо ишде район ва юрт администрацияланы башчылары Магьмут Амиралиев ва Магьамматсолтан Гьасанов ёлдашлар да этек чалып айландылар.

Савлай йылны боюнда къурувчулар, усталар майданчаны абзарын ва чырларын ишледилер, ону айландырып бегитдилер, ич ва тыш тамларына мукъаятлы акъ таш тутдулар, адамлагъа гирмеге ва чыкъмагъа темирден челтир эшиклер ва къапулар салдылар.
Адамлагъа олтурмагъа скамейкалар, къолундагъы кагъыз ва оьзге нас-алагъожасын ташламагъа урналар, ари-бери юрюмеге хас ёллар, къарангы болгъанда лампа ярыкълар, сувсап болгъанда ичмеге элге макъталгъан «Бекенез-сув» булагъын ва оьзге онгайлыкълар халкъ учун болдурулгъан деп айтмагъа ярай.

Шо майданчаны къурмакъ ва безендирмек учун умуми алгъанда 12 миллион 500 минг манатны къадарында харж этилди. Шо харжны 2 миллион 500 минг манатын юртлулар оьзлени кисесинден кёмек гьисапда бердилер. Олай да, район администрацияны бюджетинден 1 миллион манат кёмек этилди. Къалгъан 9 миллион манатны оьлчевюндеги харж буса республиканы бюджетинден гёрсетилди.

Айтагъаным, халкъны гьайын эте туруп, юртну ичинде шулай гёзел ерлер къурулса ва онгайлыкълар этилсе, нечакъы да яхшы бола. Демек, адамлар оьзлени гьайын этеген ёлбашчылагъа баракалла берегени ва разилигин билдирегени ачыкъдан да ачыкъ.